អ្នកឧកញ៉ា ឡាវ កាង មានតួនាទីជាសមាជិកក្រុមប្រឹក្សាភិបាល នៃសមាគមឧកញ៉ាកម្ពុជា។ អ្នកឧកញ៉ាកើតក្នុងឆ្នាំ១៩៦២  នៅខេត្តកំពតហើយលោកបានចូលប្រឡូកក្នុងវិស័យជំនួញអស់រយៈកាលជាច្រើនទសវត្សរ៍មកហើយ។

អ្នកឧកញ៉ា បានវិនិយោគលើក្រុមហ៊ុនជាច្រើនរួមមាន៖ ១.ក្រុមហ៊ុន ឡាវ កាង អាហរ័ណនីហរ័ណ, ២. វិស័យសណ្ឋាគារ និងបដិសណ្ឋារកិច្ចនៅក្នុងខេត្តព្រះសីហនុ ៣.ក្រុមហ៊ុនអចលនទ្រព្យ  L.K, និង ៤.ជាភាគទុនិកនៅក្នុងក្រុមហ៊ុនវិនិយោគសូគីម៉ិច គ្រុប (Sokimex Investment Group) ផងដែរ។

អ្នកឧកញ៉ាក៏បានចូលរួមយ៉ាងសកម្មនៅក្នុងសកម្មភាពសង្គម និងសកម្មភាពមនុស្សធម៌តាមរយៈការបរិច្ចាគទ្រព្យធនជាច្រើនព្រមទាំងកម្លាំងកាយ ចិត្ត ប្រាជ្ញាស្មារតី និងពេលវេលាដោយ អ្នកឧកញ៉ា ត្រូវបានទទួលស្គាល់ និងផ្តល់តម្លៃតាមរយៈការទទួលបានគ្រឿងឥស្សរិយយសជាច្រើនពីសំណាក់រាជរដ្ឋាភិបាលកម្ពុជា និងគ្រឿងឥស្សរិយយសថ្នាក់កំពូល «ជាតូបការ» ដែលប្រោសព្រះរាជទានដោយព្រះមហាក្សត្រ នៃព្រះរាជាណាចក្រកម្ពុជា។